Հայաստան–Թուրքիա բանակցությունները մոտենում են վճռական փուլին․ Միրզոյանը գնահատում է նոր զարգացումները
Արտաքին գործերի նախարար Արարատ Միրզոյանը հայտարարել է, որ Երևանը և Անկարան ակտիվ և ինտենսիվ երկխոսություն են վարում, որը, ըստ նրա, առաջիկայում կտա «շատ շոշափելի արդյունքներ»։
«Շատ ինտենսիվ երկխոսություն ունենք Թուրքիայի հետ։ Ինքս շատ լավատես եմ այս առումով և կարծում եմ, որ առաջիկայում պետք է, որ շոշափելի արդյունքներ ունենա Հայաստան-Թուրքիա երկխոսությունը», - լրագրողների հետ ճեպազրույցում ասել է Միրզոյանը։
Լրագրողների հարցին, թե ինչ է նկատի ունենում «շոշափելի արդյունք» ասելով, նախարարը չի բացահայտել մանրամասները, նշելով միայն. «էնքան շոշափելի արդյունք, որ այդտեղ ներկա որևէ մեկին մոտ կասկած չթողնի, թե իրենք հենց էդ շոշափելին նկատի ունեն»։
Միրզոյանի հայտարարությունը կարող է վկայել հայ–թուրքական հարաբերությունների կարգավորման գործընթացում նոր դրական փուլ մտնելու մասին։
