Այդ երկրները ՆԱՏՕ-ի ենթակառուցվածքները քարշ են տալիս իրենց տարածք․ Պեսկով
Ռուսաստանը շարունակում է շփումները ԱՄՆ-ի հետ, ինչպես նաև Ռուսաստանը բաց է հարաբերությունների կարգավորման համար նրանց հետ, ովքեր դա ցանկանում են։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, հայտնում է «Ռիա Նովոստի»-ն։
«Ուկրաինայի թեման շատ բարդ է և լրացուցիչ ջանքեր է պահանջում։ Իսկ Ռուսաստանը բաց է հարաբերությունների կարգավորման համար նրանց հետ, ովքեր դա ցանկանում են: Ռուսաստանը երբեք չի եղել այլ երկրների, այդ թվում՝ հարևանների հետ հարաբերությունները փչացնելու նախաձեռնողը»,- նշել է նա:
Պեսկովն հավելել է նաև, որ Ռուսաստանը Ֆինլանդիայի և Շվեդիայի հետ երբեք խնդիրներ չի ունեցել․
«Այժմ այդ երկրները ՆԱՏՕ-ի ենթակառուցվածքները քարշ են տալիս իրենց տարածք, շատ անհասկանալի իրավիճակ է»,- ասել է Դմիտրի Պեսկովը։
