Ոչ մի բան էլ չեմ հանձնելու. կարգալույծ արված Տեր Արամ Ասատրյան

Ես ծանուցումը ստացել եմ, ու չեմ ընդունում իմ կարգալուծությունը։ Այս մասին այսօր Հովհաննավանքում հայտարարեց կարգալույծ արված Տեր Արամ Ասատրյանը:

«Լսել ենք, չենք ընդունում, ոչ մի բանի պարտավորություն էլ չունենք։ Ոչ մի բան էլ չեմ հանձնելու։ Ով է ինձ կարգալույծ արել»,- Արագածոտնի թեմից ժամանած Հայր Շնորհք աբեղա Պալոյանին ասաց Ասատրյանը։

Հայր Շնորհք աբեղա Պալոյանն հանտնեց, որ այսօր մինչև ժամը 15.00-ն պետք է ինքը հեռանա եկեղեցուց՝ բանալիներն հանձնելով նոր քահանային։ «Որպես քահանա դուք չեք կարող լինել այնտեղ, որտեղ պատշաճ է լինել քահանաներին։ «Խորանի վրա, ատյանում, դասերում և ավանդատներում»։

Ասատրյանն էլ հետաքրքրվեց, թե ով է հորդերել իրեն նման բան փոխանցել։ «Դիվանատո՞ւնն է խնդրել փոխանցել, իրենց ասեք չեմ՝ ընդունում, ով էս թուղթն ուղարկել է՝ էդ կառույցը չեմ հարգում»,-ասած նա։

Լրագրողի հարցին, թե սպառնո՞ւմ է Հայր Շնորհքին՝ Ասատրյանն հարցրեց, «Իսկ ինձ սպառնում են, իմ օծումն ո՞վ է վերցրել։ Չեմ ընդունում»,-ասաց նա։ Հարցին, թե պատերա՞զմ է հայտարարում Մայր Աթոռին՝ Ասատրյանը պատասխանեց. «Իսկ Մայր Աթոռ սուրբ Էմիածինը Աստծո դեմ պատերա՞զմ է հայտարարում»։ Դիտարկմանը, թե այսինքն, իրեն Աստվա՞ծ է համարում՝ Ասատրյանն ասաց, որ իրեն Աստծո ծառա է համարում։

Այնուհետև Ասատրյանը սկսեց բղավել. «Կաթողիկոսը չի կարող կին ու երեխեք ունենա։ Նկարները ունեմ, ապրելու տեղն ունեմ, դե կտենք։ Կաթողիկոսը չի կարա ամուսնական կյանքով ապրի, դե գնացեք»։