Ադրբեջանի և Հայաստանի հաշտեցման համար՝ Թրամփն արժանի է Նոբելյան մրցանակի․ ԱՄՆ կոնգրեսական

ԱՄՆ նախագահ Դոնալդ Թրամփը շուտով վերջ կդնի Ադրբեջանի և Հայաստանի միջև հակամարտությանը։ Այս մասին X- ում հայտարարել է ԱՄՆ կոնգրեսական Ջո Ուիլսոնը։

ԱՄՆ կոնգրեսականը կոչ է արել Նոբելյան խաղաղության մրցանակ շնորհել ամերիկացի առաջնորդին՝ իր խաղաղապահ գործունեության համար։

Նրա խոսքով՝ քաղաքական գործիչն արդեն իսկ դադարեցրել է Հնդկաստանի և Պակիստանի, Կոնգոյի և Ռուանդայի, ինչպես նաև Թաիլանդի և Կամբոջայի միջև հակամարտությունները։

«Երբեք չի եղել Դոնալդ Թրամփի նման խաղաղարար նախագահ։ Կոնգո և Ռուանդա, Թաիլանդ և Կամբոջա, Պակիստան և Հնդկաստան։ Եվ շուտով՝ Ադրբեջան և Հայաստան։ Նա արժանի է Նոբելյան խաղաղության մրցանակի», - գրել է կոնգրեսականը։

Ավելի վաղ հայտնի դարձավ, որ ԱՄՆ նախագահ Դոնալդ Թրամփը կընդունի Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին։ Նշվում է, որ պետությունների ղեկավարները կստորագրեն փոխըմբռնման հուշագիր։