500 տարվա ընթացքում առաջին անգամ՝ Մեծ Բրիտանիայի թագավորը և Հռոմի պապը կաղոթեն միասին
Մեծ Բրիտանիայի Չարլզ 3-րդ թագավորը և Հռոմի պապ Լևոն 14-րդը կդառնան առաջին բրիտանացի միապետն ու պապը, որոնք միասին կաղոթեն եկեղեցական պատարագին 16-րդ դարի Ռեֆորմացիայի ժամանակներից ի վեր։
Պատմական պահը տեղի կունենա Վատիկանի Սիքստինյան կապելլայում՝ Չարլզ թագավորի և Քամիլա թագուհու պետական այցի ժամանակ:
Պատարագի ընթացքում հանդես կգան հոգևորականներ և երգչախմբեր Հռոմի կաթոլիկ եկեղեցուց և Անգլիկան եկեղեցուց, որի գերագույն ղեկավարն է թագավորը։
Այցը կդիտարկվի որպես հաշտեցման կարևոր խորհրդանիշ, որի ընթացքում տեղի կունենա Չարլզ 3-րդ թագավորի և Հռոմի պապի առաջին հանդիպումը։
