Տիգրան Բարսեղյանը կարող է ավարտել կարիերան Հայաստանի ազգային հավաքականում

Հայաստանի ազգային հավաքականի ավագ Տիգրան Բարսեղյանն Իռլանդիայի հետ խաղից հետո կարող է լքել հավաքականը: Այս մասին հայտնում է «ИнсайдЯН» տելեգրամյան ալիքը ՝ հղում անելով սեփական աղբյուրներին։

«Որոշումը դեռ վերջնական չէ, բայց հավանական է։ Տիգրանն այդ մասին արդեն հայտարարել է խաղից հետո։ Գուցե դա ասվել է հույզերի հիման վրա, ժամանակը ցույց կտա։ Իսկ Բարսեղյանը մինչ ընտրական փուլն էլ էր մտածում Հայաստանի հավաքականում կարիերան ավարտելու մասին, բայց Եղիշե Մելիքյանի գալուց հետո նա մնաց հավաքականում»,– գրում է ալիքը։

Նշվում է նաև, որ առաջիկայում հավաքականում կարիերան կարող է ավարտել նաև Լուկաս Սելարայանը:

Հիշեցնենք, որ 2026 թվականի աշխարհի առաջնության ընտրական փուլի չորրորդ տուրում Իռլանդիայի հետ խաղի ժամանակ Տիգրան Բարսեղյանը հեռացվեց խաղադաշտից մրցակցին հարվածելու համար: Հայաստանի հավաքականը մնաց 10 հոգով, որից հետո գոլ բաց թողեց և պարտվեց նվազագույն՝ 0:1 հաշվով: