Ռուսաստանը ռմբակոծել է ՄԱԿ-ի մարդասիրական օգնություն տեղափոխող բեռնատարները․ Ուկրաինայի ԶՈՒ
Հոկտեմբերի 14-ի առավոտյան ռուսական զորքերը հարձակվել են Ուկրաինայի Խերսոնի մարզում ՄԱԿ-ի մարդասիրական օգնության բեռնատարների վրա։ Այս մասին հայտնում է տարածաշրջանային ռազմական վարչակազմի ղեկավար Ալեքսանդր Պրոկուդինը։
«Այսօր առավոտյան Բելոզերսկ համայնքում ռուսական ուժերը անօդաչու թռչող սարքեր և հրետանի են օգտագործել ՄԱԿ-ի մարդասիրական գործերի համակարգման գրասենյակի (OCHA) բեռնատարները թիրախավորելու համար: Նշաններով չորս սպիտակ մեքենաները ռազմական տեխնիկա չէին, այլ օգնություն տեղափոխող մեքենաներ», - գրել է Պրոկուդինը Telegram-ում:
Նրա խոսքով՝ մեքենաներից մեկն այրվել է, իսկ մյուսը՝ լուրջ վնասվել։ «Երկուսին հաջողվել է խուսափել բախումից։ Միայն հրաշքով է, որ ոչ ոք չի տուժել», - հավելել է նա։
