Իրանի ԱԳՆ-ի կոշտ քննադատությունը՝ Թրամփի հայտարարություններին
ԱՄՆ նախագահ Դոնալդ Թրամփի հայտարարությունները Իրանի հետ խաղաղության և երկխոսության ձգտման մասին հակասում են Վաշինգտոնի թշնամական գործողություններին Թեհրանի նկատմամբ, հայտնում է Իրանի արտաքին գործերի նախարարությունը։
«Արտաքին գործերի նախարարությունը կարծում է, որ ԱՄՆ նախագահի կողմից խաղաղության և երկխոսության ցանկության արտահայտությունը հակասում է ԱՄՆ-ի կողմից Իրանի ժողովրդի դեմ ձեռնարկված թշնամական և հանցավոր գործողություններին», - ասվում է Իրանի արտաքին գործերի նախարարության Telegram ալիքում տեղադրված հայտարարության մեջ։
Ավելի վաղ ԱՄՆ նախագահ Դոնալդ Թրամփը, ելույթ ունենալով Իսրայելի Քնեսեթում, ասել էր, որ Միացյալ Նահանգներն ու Իսրայելը ցանկանում են խաղաղ ապրել Իրանի հետ և որևէ թշնամանք չեն տածում նրա ժողովրդի նկատմամբ։
