«Բեմադրված նկարահանումներ են, խաղաղ բնակչությանը որևէ վտանգ չի սպառնում». ՌԴ ՊՆ
Ուկրաինայի անվտանգության ծառայությունը նախապատրաստում և արդեն իսկ «Սպիտակ սաղավարտների» օրինակով սադրանքներ է իրականացնում: «Ռիա նովոստի»-ի փոխացմամբ՝ ասել է ՌԴ ՊՆ պաշտոնական ներկայացուցիչ Իգոր Կոնաշենկովը։
«Ուկրաինական քաղաքներում բեմադրված նկարահանումներ են տեղի ունեցել՝ իբր Ուկրաինայի քաղաքացիական բնակչության շրջանում «զանգվածային զոհեր» կան»,- ասել է նա։
Կոնաշենկովը հավելել է, որ նախապատրաստած տեսահոլովակները տարածվում են վերահսկվող «Տելեգրամ» ալիքների և սոցցանցերի միջոցով։ Նա նշել է, որ դրանց նպատակը Ռուսաստանին մեղադրելն է խաղաղ բնակչությանը վախեցնելու նպատակով հարվածների անհամաչափության և արևմտյան հեռուստաալիքներով այդ կադրերը հեռարձակելու համար։
«Հատուկ ուզում եմ ընդգծել՝ Ռուսաստանի զինված ուժերը Ուկրաինայի քաղաքներին հարվածներ չեն հասցնում։ Խաղաղ բնակչությանը որևէ բան չի սպառնում»,- հայտարարել է Կոնաշենկովը։
