Ադրբեջանի փոխվարչապետը՝ Ռուսաստանի և Իրանի հետ ունեցած հարաբերությունների մասին

Ադրբեջանի Հանրապետությունը միակ երկիրն է, որը ցամաքային սահման ունի և՛ Իրանի, և՛ Ռուսաստանի հետ։ Այս մասին հայտարարել է փոխվարչապետ Շահին Մուստաֆաևը, հաղորդում է APA գործակալությունը։

«Այս աշխարհագրական դիրքը թույլ է տալիս Ադրբեջանին զարգացնել հարաբերություններ և՛ Ռուսաստանի, և՛ Իրանի հետ։ Ադրբեջանը բարիդրացիական քաղաքականություն է վարում և՛ Ռուսաստանի Դաշնության, և՛ Իրանի Իսլամական Հանրապետության հետ, և հաստատել է բարեկամական հարաբերություններ։

Այս հարաբերությունները բազմակողմանի և լայնածավալ են», -ասել է Ադրբեջանի փոխվարչապետը։