ՏԵՍԱՆՅՈՒԹ. Բայդենը 40 րոպե հերթ է կանգնել վաղաժամ քվեարկելու համար
ԱՄՆ նախագահ Ջո Բայդենը վաղաժամ քվեարկել է նախագահական ընտրություններում՝ Դելավեր նահանգի Ուիլմինգթոն քաղաքի ընտրատեղամասում։
Report-ի փոխանցմամբ՝ այս մասին հայտնել է Սպիտակ տան մամուլի ծառայությունը։
Ըստ տեղեկությունների՝ Բայդենը հերթ է կանգնել ընտրատեղամասի մուտքի մոտ 40 րոպե շարունակ։
Նշենք, որ հաջորդ համընդհանուր ընտրություններն ԱՄՆ-ում տեղի կունենան նոյեմբերի 5-ին։
Հանրապետական Դոնալդ Թրամփն ու դեմոկրատ Քամալա Հարիսը կպայքարեն կառավարության բարձրագույն պաշտոնի համար։
Թրամփը եղել է Ամերիկայի 45-րդ նախագահը և պաշտոնավարել է 2017-2021 թվականներին։ Այժմ Հարիսը զբաղեցնում է փոխնախագահի պաշտոնը Բայդենի վարչակազմում:
