Նախաձեռնվել է քրվարույթ՝ Բյուրեղավանում՝ երեխայի գլխին ընկած երկաթյա կոնստրուկցիայով սղարանն ամրացված չլինելու պատճառով
Հոկտեմբերի 6-ին Բյուրեղավանի 1-ին Բ թաղամասի խաղահրապարակում տեղի ունեցած ողբերգական դեպքի առթիվ նախաձեռնվել է քրեական վարույթ։
Auroranews-ին քննչական կոմիտեից փոխանցեցին․
«Դեպքի առթիվ նախաձեռնվել է քրեական վարույթ՝ Քրեական օրենսգրքի 412-րդ հոդվածի 2-րդ մասի 2-րդ կետի հատկանիշներով (անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը, որն անզգուշությամբ առաջացրել է մարդու մահ, առողջությանը ծանր վնասի պատճառում կամ այլ ծանր հետևանք)։ Նշանակվել է դիակի դատաբժշակական փորձաքննություն: Նախաքննությունը շարունակվում է»,- հայտնեցին քննչական կոմիտեից։
Հիշեցնենք, որ Բյուրեղավանի 1-ին Բ թաղամասի խաղահրապարակում մետաղական ծանր կոնստրուկցիան շուռ է եկել 6-ամյա երեխայի գլխին։ 6 օր շարունակ բժիշկները պայքարում էին արցախցի փոքրիկի կյանքի համար։ Սակայն նրա կյանքը փրկել չի հաջողվել։
