Քրդական ուժերը հարձակվել են սիրիական բանակի դիրքերի վրա
Քրդական ուժերը խախտել են հրադադարը և հարձակվել սիրիական բանակի դիրքերի վրա Հալեպի արևելյան նահանգում, ասվում է Սիրիայի պաշտպանության նախարարության հայտարարության մեջ։
«Հրադադարի հայտարարումից 48 ժամ անց SDF-ն` Սիրիայի դեմոկրատական ուժերը ավելի քան 10 անգամ խախտել է համաձայնագիրը՝ հարձակվելով բանակի դիրքերի վրա արևելյան Հալեպի իրենց տեղակայման վայրերում», - մեջբերում է սիրիական «Ալ-Էխաբարիա» հեռուստաալիքը։
Ըստ հայտարարության, Թիշրինի ամբարտակի մոտ բանակի դիրքերի հրետակոծության հետևանքով զոհվել է մեկ զինվոր, մի քանիսը վիրավորվել են։
