Գազայի պատերազմում ԱՄՆ-ն անկասկած հիմնական հանցակիցն է. Խամենեի
Իրանի գերագույն առաջնորդ այաթոլլա Ալի Խամենեին, մեկնաբանելով վերջերս ԱՄՆ տարբեր նահանգներում և քաղաքներում Դոնալդ Թրամփի դեմ տեղի ունեցած զանգվածային բողոքի ցույցերը և յոթ միլիոնանոց ցույցերը, ասել է. «Եթե դուք այդքան ընդունակ եք, ապա ստեր տարածելու, այլ երկրների գործերին միջամտելու և այնտեղ ռազմական բազաներ կառուցելու փոխարեն, հանգստացրեք այս միլիոնավոր մարդկանց և տուն վերադարձրեք»։
Այաթոլլա Խամենեին` խոսելով ԱՄՆ նախագահի մասին, ասել է. «Այս մարդը փորձել է քաջալերել սիոնիստներին և իրեն ուժեղ ներկայացնել իր ծիծաղելի վարքագծով և տարածաշրջանի, Իրանի և իրանցի ժողովրդի մասին բազմաթիվ ստերով։ Բայց եթե նա իսկապես ուժեղ է, թող գնա և հանգստացնի Ամերիկայի բոլոր նահանգներում իր դեմ կարգախոսներ վանկարկող միլիոնավոր մարդկանց»։
Իրանի առաջնորդը նաև հիշատակել է ԱՄՆ նախագահի վերջերս օկուպացված պաղեստինյան տարածքներ կատարած այցը և նրա ծաղրածուական հայտարարությունները, որոնք ուղղված էին իսրայելցիներին խրախուսելուն։
«12-օրյա պատերազմի ժամանակ Իսլամական Հանրապետության կողմից սիոնիստական ռեժիմին հասցված անհավանական ապտակը նրանց հուսահատեցրել է», - հայտարարել է նա։ Խամենեին հավելել է, որ սիոնիստները չէին սպասում, որ իրանական հրթիռները կկարողանան «խորը թափանցել իրենց զգայուն և կարևոր կենտրոնների մեջ, ոչնչացնել դրանք և մոխրի վերածել»։
Մեկնաբանելով Թրամփի հայտարարությունները, Այաթոլլահ Խամենեին նշել է. «Գազայի պատերազմում ԱՄՆ-ն, անկասկած, սիոնիստական ռեժիմի հանցագործությունների հիմնական հանցակիցն է։
