Իրաքյան Քրդստանում բախումներ են սկսվել
Իրաքյան Քրդստանում գիշերը բախումներ են տեղի ունեցել: Այս մասին հայտնում են մերձավորարևելյան թեմաներ լուսաբանող տելեգրամյան ալիքները։
Վարկածներից մեկի համաձայն՝ ազդեցիկ Հարքի ցեղի ներկայացուցիչները ապստամբել են Բարզանիի կառավարության դեմ, որը սերտ կապեր ունի Անկարայի հետ: Մեկ այլ վարկածի համաձայն՝ տեղի ունեցածը կապված է միջցեղային վեճերի հետ:
Նշվում է, որ փակվել էին հիմնական ճանապարհները: Մասնավորապես ընդդիմադիր ջոկատները փակել են Քուվեյրն ու Էրբիլը կապող կարևոր մայրուղին՝ աջակցող ուժերի տեղափոխումը կանխելու համար:
Տեղեկություններ կան, որ մարտերը տեղի են ունեցել Խոր Մոր գազի հանքավայրի մոտ:
