Իսրայելի պաշտպանության բանակը դուրս է բերել իր բոլոր ցամաքային զորքերը Գազայի հարավից

Իսրայելի պաշտպանության բանակը գիշերվա ընթացքում դուրս է բերել իր բոլոր ցամաքային զորքերը Գազայի հատվածի հարավից՝ Խան Յունիս շրջանում չորս ամիս տևած մարտերից հետո, հայտնում է Times of Israel-ը։

Ներկայումս Գազայի հատվածում մնացել է միայն մեկ «Նահալ» բրիգադը, որին հանձնարարված է ապահովել, այսպես կոչված, «Նեցարիմ» միջանցքի անվտանգությունը: 

Հիշեցնենք, որ նախկինում ԱՄՆ նախագահ Ջո Բայդենը հումանիտար նկատառումներով դեմ էր արտահայտվել Գազայի հատվածի հարավում գտնվող Ռաֆահ քաղաքում Իսրայելի գործողությանը։

Իսրայելցի զինվորականները հայտարարել էին պատերազմի ակտիվ փուլի ավարտի մասին՝ բաց թողնելով Ռաֆահում գործողության հնարավորությունը։ Նրանց խոսքով, Իսրայելի պաշտպանության բանակի գործողությունները կապված չեն արտաքին ճնշման հետ։