Հայտնի է՝ ինչ են քննարկել ԱՄՆ-ն և Մեծ Բրիտանիան՝ ռուս-ուկրաինական հակամարտության վերաբերյալ
ԱՄՆ պետքարտուղար Մարկո Ռուբիոն և Մեծ Բրիտանիայի արտաքին գործերի նախարար Իվետ Քուփերը հեռախոսազրույցից հետո համաձայնության են եկել շարունակել դիվանագիտական ջանքերը Ուկրաինայում հակամարտության կարգավորման ուղղությամբ, հայտարարել է Պետդեպարտամենտը։
«Պետքարտուղարը և արտաքին գործերի նախարարը համաձայնել են շարունակել դիվանագիտական ջանքերը՝ Ռուսաստանի և Ուկրաինայի միջև պատերազմը բանակցությունների միջոցով դադարեցնելու և երկարատև խաղաղություն հաստատելու համար», - ասվում է գերատեսչության հայտարարության մեջ։
Հավելենք՝ Ռուսաստանը և Ուկրաինան անցկացրել են ուղիղ բանակցությունների երեք փուլ, որոնցից երկուսը տեղի ունեցան Ստամբուլում։ Դրանց արդյունքում տեղի ունեցավ գերիների փոխանակում։ Ռուսաստանը նաև Կիևի ռեժիմին հանձնեց զոհված ուկրաինացի զինծառայողների մարմինները։ Ավելին, կողմերը փոխանակվեցին հակամարտության կարգավորման վերաբերյալ հուշագրերի նախագծերով։
