Վրաստանի վարչապետը՝ պետական հեղաշրջման փորձերի մասին

Վրաստանում հատուկ գործողություն է իրականացվում նախագահական նստավայրի գրոհին մասնակցած ցուցարարներին ձերբակալելու ուղղությամբ: Այս մասին հայտարարել է Վրաստանի վարչապետ Իրակլի Կոբախիձեն:

«Մի քանի մեղավորներ արդեն այսօր կձերբակալվեն, և այդ գործընթացը կշարունակվի: Սա արդեն հեղափոխություն իրականացնելու հինգերորդ փորձն էր Վրաստանում, այդ գործողությունները աջակցվում էին դրսից», - հայտարարել է Վրաստանի վարչապետը: 

Նա նաև ասել է, որ նախկին նախագահ Զուրաբաշվիլին ծրագրում էր մտնել նախագահական նստավայր, եթե հաջողվեր պետական հեղաշրջում իրականացնել։