ԱԺ նիստը խոստանում է թեժ լինել. Փաշինյանը կգնա խորհրդարան

«Ութերորդ գումարման Ազգային ժողովի երկրորդ նստաշրջանը կմեկնարկի սեպտեմբերի 13-ին։ «Ժողովուրդ» օրաթեթրը գրում է․  մինչ այդ՝ երկուշաբթի օրվանից, պետք է նիստեր գումարեն ԱԺ մշտական հանձնաժողովները և քննարկեն այն նախագծերը, որոնք պետք է ընդգրկվեն լիագումար նիստերի օրակարգում։ 


Դրանցից մեկը Կենտրոնական ընտրական հանձնաժողովի տարեկան հաղորդումն է, որը դեռ պետք է քննարկվեր նախորդ խորհրդարանի կողմից և այդպես էլ ավարտին չհասցվեց, կքննարկվեն նաև Վճռաբեկ դատարանի դատավորի ընտրության հարցը և մեծ թվով հարցեր՝ արդեն կառավարության կողմից ներկայացված։ 


Այս ընթացքում պատգամավորներն օրենսդրական նախաձեռնություններով հանդես չեն եկել, և օրակարգում մեծ թվով նախագծեր չեն լինի. եթե արտառոց դեպքեր չլինեն, նիստը կարճատև կլինի։ Սակայն թերևս թեժ է լինելու չորեքշաբթի օրը, երբ խորհրդարան պետք է այցելեն կառավարության անդամները` վարչապետ Նիկոլ Փաշինյանի գլխավորությամբ»»,-գրում է թերթը։ 


Մանրամասն՝  թերթի այսօրվա համարում