Վրաստանում հայտարարել են զինված դիվերսիայի փորձի մասին

Թբիլիսիում մեծ քանակությամբ զենք և պայթուցիկ նյութեր են առգրավվել։ Դրանք նախատեսված էին խոշոր դիվերսիայի համար, որը ծրագրվում էր նախագահական նստավայրի գրավման փորձին զուգահեռ: Այս մասին հաղորդում է Վրաստանի պետական անվտանգության ծառայությունը:

Երկրի պետական անվտանգության ծառայությունը հայտարարել է, որ զենքը գնվել է Ուկրաինայում գործող խմբավորումներից մեկի վրացական ներկայացուցչի ցուցումով: Անձինք, որոնք պետք է պայթուցիկներ հասցնեին, չեզոքացվել են։

Ավելի վաղ Վրաստանի վարչապետ Իրակլի Կոբախիձեն քրեական հանցագործություն էր որակել Թբիլիսիում տեղի ունեցած հանրահավաքը: