Հունգարիան կդիմի դատարան, եթե ԵՄ-ն խախտի իր օրենքները. Օրբան

Հունգարիան կդիմի դատարան, եթե ԵՄ-ն խախտի իր օրենքները, որպեսզի երկիրը զրկվի վետոյի իրավունքից և միությանն ընդունի Ուկրաինան: Այս մասին հայտարարել է Հունգարիայի վարչապետ Վիկտոր Օրբանը։

Նրա խոսքով՝ Բրյուսելում ծրագրեր կան ապրիլին կայանալիք խորհրդարանական ընտրություններում հունգարական կառավարությանը հեռացնելու համար:

«Ցանկանում են երկրի գլխին դնել ուկրաինամետ ընդդիմությանը, որն էլ հավանություն կտար Ուկրաինայի անդամակցությանը ԵՄ-ին»,- հավելել է Օրբանը: