Ուկրաինայում իրավիճակը ողբերգական է․ Վրաստանի վարչապետ

Վրաստանի վարչապետ Իրակլի Կոբախիձեն արձագանքել է Ուկրաինայի նախագահ Վլադիմիր Զելենսկու ՄԱԿ-ի Գլխավոր ասամբլեայում արված հայտարարությանը,  այս մասին հաղորդում է Վրաստանի Առաջին ալիքը։

Կոբախիձեի խոսքով՝ Վրաստանը «տաս գլուխ բարձր է» բոլոր թեկնածու երկրներից՝ թե՛ մարդու իրավունքների, թե՛ ժողովրդավարության առումով։

«Ինչ վերաբերում է Ուկրաինայում ժողովրդավարության և մարդու իրավունքների առումով ստեղծված իրավիճակին, ապա այնտեղ իրավիճակը ողբերգական է թե՛ ժողովրդավարության և թե՛ մարդու իրավունքների ոլորտում։ Երբ նման իրավիճակում սկսում են խոսել Վրաստանում ժողովրդավարության և մարդու իրավունքների մասին, դա ինքնին անհեթեթություն է։

Վրաստանը ԵՄ անդամության թեկնածու երկրների շրջանում անվերապահ առաջատար է, այդ թվում՝ ժողովրդավարության և մարդու իրավունքների տեսանկյունից։ Մենք տասը գլուխ բարձր ենք բոլոր թեկնածու երկրներից ինչպես մարդու իրավունքների, այնպես էլ ժողովրդավարության հարցերում»,- նշել է Վրաստանի վարչապետը։