ՏԵՍԱՆՅՈՒԹ․ Սալմոնելայի դեպքեր՝ Երևանում․ ՍԱՏՄ ներկայացուցիչը զեկուցում է՝ արտառոց դեպքեր չեն ունեցել
Նախորդ շաբաթ քննարկվում էր Երեւանի Պուշկին փողոցում գտնվող Ջուլիս ռեստորանը, որտեղ Սալմոնելլայի դեպք էր գրանցվել:
ՀՀ սննդամթերքի անվտանգության տեսչական մարմինը փետրվարի 8-ին Առողջապահության նախարարության հիվանդությունների վերահսկման և կանխարգելման ազգային կենտրոն ՊՈԱԿ-ից հաղորդագրություն է ստացել այն մասին, որ, սուր աղիքային վարակ նախնական ախտորոշմամբ, «Միքայելյան վիրաբուժության ինստիտուտ» ՓԲԸ են տեղափոխվել երկու անձ:
Հաջորդող օրերին բժշկի դիմել է նշված հանրային սննդի կետում սնված ևս 10 անձ, որոնցից 9-ը հոսպիտալացվել են: 12 հիվանդներից 9-ի մոտ հայտնաբերվել է սալմոնելա:
ՍԱՏՄ-ն միայն 9 օր կառույցի աշխատանքը կասեցրեց:
Այսօր Քաղաքապետարանի հերթական գործակարգավորական նիստի ընթացքում ՍԱՏՄ ներկայացուցիչը քաղաքապետ Տիգրան Ավինյանին զեկուցեց, որ արտառոց դեպքեր նախորդ շաբաթ չեն ունեցել:
Մանրամասները՝ տեսանյութում։
