Ֆոն դեր Լեյենը հերթական սկանդալի մեջ է հայտնվել՝ Մակրոնին ուղղված հաղորդագրության պատճառով
Եվրահանձնաժողովի նախագահ Ուրսուլա ֆոն դեր Լեյենը կրկին հայտնվել է սկանդալի կենտրոնում՝ կապված Ֆրանսիայի նախագահ Էմանուել Մակրոնին ուղարկված SMS-հաղորդագրությունից հետ: Այս մասին հայտարարել է հունգարացի Եվրախորհրդարանի պատգամավոր, «Եվրոպայի հայրենասերներ» խմբակցության փոխնախագահ Քինգա Գալը, փոխանցում է «ՏԱՍՍ»-ը:
«Եվրոպական օմբուդսմենը սկսել է հետաքննել նախագահ Մակրոնի հետ նրա նամակագրությունը «Mercosur»- ի հետ ԵՄ գործարքի վերաբերյալ։ Ինչպես Pfizer -ի շուրջ սկանդալի դեպքում, այս հաղորդագրությունները նույնպես անհետացել են», - գրել Է նա X-ի իր էջում:
Նրա խոսքով՝ Եվրոպական հանձնաժողովի աշխատանքում թափանցիկության պակաս կա «Հարկավոր է թափանցիկություն ապահովել ԵՄ ինստիտուտներում»։
Հիշեցնենք՝ Ստրասբուրգում Եվրախորհրդարանի նստաշրջանում 25 տարվա ընթացքում առաջին անգամ անվստահության քվե անցկացվեց ֆոն դեր Լեյենի նկատմամբ՝ COVID-19 պատվաստանյութերի ձեռքբերման գործում կոռուպցիայի մեղադրանքներից հետո։ Սակայն քվեարկությունը մերժվեց։ Մասնակցած 553 անդամներից 360-ը քվեարկեցին դեմ, 175-ը՝ կողմ, իսկ 18-ը՝ ձեռնպահ։
