Պաշտպանելու ենք ավանդական ընտանիքը, ուզում ա Վենետիկից գան, ուզում ա` լուսնից. Պետրոսյան

ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը լրագրողների հետ զրույցում հայտնեց, որ Վենետիկի հանձնաժողովի ներկայացուցիչները որևէ համոզիչ փաստարկ չեն բերել, թե ինչու պետք է վավերացվի Ստամբուլյան կոնվենցիան:

«Չկա այդպիսի արարք, որ ՀՀ քրեական օրենսգիրքը չնախատեսի և կոնվենցիան վավերացնելը պարտադիր լինի: Իրենք ասում էին, որ դա չի հակասում մեր Սահմանադրությանը և վտանգ չկա, ես էլ իրենց ասացի, որ եվրոպական շատ երկրներ չեն վավերացրել այդ կոնվենցիան, դրա հանդեպ հակակրանք կա»,- ասաց նա:

Գևորգ Պետրոսյանն ասաց, որ եվրոպացի պատվիրակները չկարողացան իրենց համոզել, թե ինչու պետք է վավերացվի Ստամբուլյան կոնվենցիան.

«Մենք պաշտպանելու ենք ավանդական ընտանիքը, ուզում ա Վենետիկից գան, ուզում ա` Լուսնից»: