Թրամփը հաստատել է Ուկրաինային տրամադրվող առաջին ռազմական օգնության փաթեթները
Թրամփի վարչակազմը հաստատել է Ուկրաինային տրամադրվող առաջին ռազմական օգնության փաթեթները, որոնք վճարվել են եվրոպական երկրների կողմից։ Այս մասին հաղորդում է Reuters-ը՝ հղում անելով աղբյուրներին։
Խոսքը վերաբերում է Կիևին զենքի մատակարարումների վերսկսմանը PURL նոր ֆինանսական մեխանիզմի շրջանակներում, որը նախատեսում է զենքի փոխանցում ամերիկյան զինանոցներից՝ ՆԱՏՕ-ի երկրների ֆինանսավորմամբ։ Նշվում է, որ Պենտագոնի փոխնախարար Քոլբին հաստատել է մոտ 500 միլիոն դոլար արժողությամբ երկու օգնության փաթեթ։
Օգոստոսի 4-ին Միացյալ Նահանգները և ՆԱՏՕ-ն հայտարարեցին Ուկրաինային աջակցելու նոր նախաձեռնության՝ Ուկրաինայի առաջնահերթ պահանջների ցանկի (PURL) մեկնարկի մասին, որն ուղղված է ամերիկյան զենքի արագացված մատակարարմանը Ուկրաինա։ Զելենսկին հայտնել է, որ PURL ծրագրի շրջանակներում արդեն ստացվել է ավելի քան 2 միլիարդ դոլար։
