Մեդվեդևը մեկնաբանել է ամերիկացի ակտիվիստ Քըրքի սպանությունը

Պահպանողական ակտիվիստ Չարլի Քըրքի դեմ մահափորձից հետո ԱՄՆ նախագահ Դոնալդ Թրամփի թիմը պետք է գիտակցի, որ Ուկրաինային աջակցելով՝ ԱՄՆ կառավարությունը աջակցում է սպանությանը, սոցիալական ցանցերում հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը։

«Վերջերս քաղաքական հանցագործություններ և սպանություններ են կատարվել Բանդերայի Կիևին աջակցող բոլոր տեսակի ձախ-լիբերալ տականքների կողմից։  Ֆիցո, Քըրք։ Ո՞վ է հաջորդը։ Գուցե ժամանակն է: Ուկրաինային աջակցելով՝ նրանք աջակցում են մարդասպաններին», - գրել է Մեդվեդևը իր էջում։

Հիշեցնենք` ԱՄՆ-ում կրակել են քաղաքական գործիչ, հայտնի ակտիվիստ և հանրապետական կուսակցության կողմնակից Չարլի Քըրքին, Յուտայի համալսարանում ելույթի ժամանակ։