ԱՄՆ նախագահի հատուկ ներկայացուցիչ Քելոգը ժամանել է Կիև
Ուկրաինայի հարցով ԱՄՆ նախագահի հատուկ ներկայացուցիչ Քիթ Քելոգը ժամանել է Կիև։ Այս մասին պարզ է դառնում Ուկրաինայի անկախության օրվան նվիրված միջոցառումների հեռուստատեսային հեռարձակումից։
Կադրերում երևում է, թե ինչպես է հատուկ ներկայացուցիչը մասնակցում արարողակարգային միջոցառումներին։
«Այսօր նախագահ Թրամփի հատուկ ներկայացուցիչ գեներալ Քիթ Քելոգը գտնվում է Ուկրաինայում», – իր ելույթում ասել է Վլադիմիր Զելենսկին։
Ավելի վաղ հայտնել էինք, որ Կանադայի վարչապետը նույնպես ժամանել է Ուկրաինա։
