Կանադան մեծացնում է իր աջակցությունը՝ Ուկրաինայում խաղաղության համար․ Կանադայի վարչապետ
Կանադայի վարչապետ Մարկ Քարնին ժամանել է Կիև՝ նշելու Ուկրաինայի 34-ամյակը, հայտարարել է նա X սոցիալական ցանցում։
«Ուկրաինայի այս անկախության օրը և մեր երկրի պատմության այս կարևոր պահին Կանադան մեծացնում է իր աջակցությունը և ջանքերը՝ Ուկրաինայում արդար և երկարատև խաղաղության հասնելու համար», - ասել է Քարնին։
Կանադայի վարչապետը օգոստոսի 25-27-ը կայցելի նաև Լեհաստան, Գերմանիա և Լատվիա՝ կարևոր ոլորտներում, այդ թվում՝ կոլեկտիվ պաշտպանության ոլորտում համագործակցությունն ամրապնդելու համար։
Քարնին նաև կհանդիպի Կանադայի զինված ուժերի անդամների հետ, որոնք մասնակցում են REASSURANCE գործողությանը, որը Կանադայի արտասահմանում գործող ամենամեծ ռազմական առաքելությունն է։
