Վարդան Ղուկասյանը հայցադիմում է ներկայացրել դատարան՝ ընդդեմ Ռուբինյանի և Հայաստանի Հանրապետության
Գյումրի համայնքի ղեկավար Վարդան Ղուկասյանը դատարան է ներկայացրել հայցադիմում՝ ընդդեմ Ազգային ժողովի նախագահի տեղակալ Ռուբեն Ռուբինյանի և Հայաստանի Հանրապետության։
Ղուկասյանը պահանջում է հերքել իր հասցեին տարածված զրպարտություն պարունակող տեղեկությունները, ճանաչել իր անմեղության կանխավարկածի խախտումը և տրամադրել փոխհատուցում։
Հավելենք՝ այս մասին գրում է «Հետք»-ը։
Ռուբեն Ռուբինյանի «Ֆեյսբուք» սոցիալական ցանցի իր էջում տարբեր գրառումներով «կաշառակեր սրիկա» է անվանել Վարդան Ղուկասյանին այն բանից հետո, երբ Հակակոռուպցիոն կոմիտեում քննվող քրեական վարույթի շրջանակում Ղուկասյանին մեղադրանք են առաջադրել։
Մասնավորապես՝ հրապարակումներից մեկով Ռ.Ռուբինյանը Վարդան Ղուկասյանի նկարին կից գրել է. «6 ամիս և 1 օր: Ըստ Հակակոռուպցիոն կոմիտեի` ուղիղ այսքան պահանջվեց, որպեսզի սա վերադառնա կաշառակերության իր սիրած գործին ու բռնվի: Սրա համար քաղաքական պատասխանատվություն են կրում իրեն քաղաքապետ դարձնողները` Քոչարյանը, Սարգսյանը, Վանեցյանը, Դաշնակցությունը և մյուսները: Պատասխանատու է նաև օրհնողը` Կտրիճ Ներսիսյանը` յուր իշխանազավթում տենչացող արքեպիսկոպոսներով: Ու սա 2026 թվականին ուզում են կրկնել համապետական մասշտաբով, որ հետ գան ու վերսկսեն իրենց թալանը: Թույլ չե´նք տալու»։
Ավելին՝ սկզբնաղբյուրում։
