Լեհաստանը չի քննարկում իր զորքերը Ուկրաինա ուղարկելու հարցը
Լեհաստանը չի քննարկում իր զորքերը Ուկրաինա ուղարկելու հարցը՝ սեփական պաշտպանական կարողությունների թուլացման վերաբերյալ մտահոգությունների պատճառով, հաղորդում է Politico թերթը՝ հղում անելով լեհ պաշտոնյայի։
Լեհաստանը, որն այժմ ունի ԵՄ-ում ամենամեծ զինված ուժերը, բացառում է զորքեր ուղարկել Ուկրաինա, բայց ասում է, որ կապահովի լոգիստիկ աջակցություն արևելք կատարվող ցանկացած առաքելության համար։
Լեհ պաշտոնյան ընդգծել է, որ Վարշավան կանգնած է «ռազմավարական դիլեմայի» առաջ՝ Ռուսաստանին և Բելառուսին մոտ լինելու պատճառով։ Մոսկվան բազմիցս հայտարարել է, որ սպառնալիք չի ներկայացնում այլ երկրների համար, բայց իրավունք ունի արձագանքել իր շահերին սպառնացող գործողություններին։
Լեհաստանի իշխանությունների ներկայացուցիչը նշել է, որ նման իրավիճակում երկիրը չի կարող թուլացնել իր ուժերը, որոնք անհրաժեշտ են հնարավոր հարձակումը հետ մղելու համար։
