Իսրայելը Գազայում պատերազմը դադարեցնելու պայմաններ է հայտնել
Իսրայելը պատրաստ է համաձայնագիր կնքել Գազայի հատվածում իրավիճակի կարգավորման վերաբերյալ միայն բոլոր պատանդների միաժամանակյա ազատ արձակման պայմանով։ Այս մասին հայտնել է Իսրայելի վարչապետ Նեթանյահուի գրասենյակը, հաղորդում է «24KZ»-ն։
Այլ պահանջների թվում են ՀԱՄԱՍ-ի զինաթափումը, Գազայի հատվածի ապառազմականացումը, անվտանգության նկատմամբ Իսրայելի վերահսկողության հաստատումը և այլընտրանքային քաղաքացիական կառավարության ստեղծումը։ Ավելի վաղ ՀԱՄԱՍ-ը հայտարարել էր զինված խմբավորումները Գազայից դուրս բերելու պատրաստակամության մասին՝ իսրայելական զորքերի դուրսբերման դիմաց։ Շարժումը նաև պահանջել է գրավոր համաձայնագրի կնքում՝ ռազմական գործողությունների դադարեցման միջազգային երաշխիքներով։
