Զելենսկին պատրաստ է փոխզիջումների առաջնագծում. Financial Times
Վլադիմիր Զելենսկին պատրաստ է ուկրաինացիների համար ընդունելի փոխզիջման գնալ ներկայիս առաջնագծում, բայց պատրաստ չէ զորքերը դուրս բերել Դոնբասից, գրում է Financial Times-ը՝ հղում անելով իր աղբյուրին։
Զելենսկիին մոտ կանգնած բարձրաստիճան ուկրաինացի պաշտոնյան թերթին ասել է, որ ԱՄՆ նախագահ Դոնալդ Թրամփի հետ հանդիպման ժամանակ իր նպատակը կլինի քննարկել «խաղաղ կարգավորման արդյունավետ գործընթաց՝ առանց Ուկրաինային ստիպելու անհնարին քայլեր ձեռնարկել, ինչպիսիք են զորքերի դուրսբերումը» Դոնեցկից և Լուգանսկից։
«Դրա համար Զելենսկին պատրաստ է «մարսելի փոխզիջման» գնալ ներկայիս առաջնագծում, որը ուկրաինացիները կարող են ընդունել», - ասվում է հրատարակության հոդվածում։
