Պուտինի օգնականը սպառնում Է հարվածել միջուկային զենքով

Ռուսական միջուկային սուզանավերը կարող են «սառեցնել ցանկացած տաք գլուխ» Արևմուտքում, հայտարարել է Ռուսաստանի նախագահի օգնական Նիկոլայ Պատրուշևը:

«Կցանկանայի հիշեցնել նրանց, որ մեր ծովային ռազմավարական միջուկային ուժերն անընդհատ մարտական պարեկություն են իրականացնում՝ պատրաստ լինելով հարվածներ հասցնել նշանակված օբյեկտներին։ Կալինինգրադի մարզի դեմ ցանկացած ռազմական ոտնձգության կհանդիպի անհապաղ և ջախջախիչ պատասխան՝ Ռուսաստանի բոլոր ուժերի և միջոցների կիրառմամբ, ռազմական դոկտրինով և միջուկային զսպման ոլորտում պետական քաղաքականության հիմունքներով նախատեսված»,- ասել է նա՝ նշելով «սպառազինության հզոր ներուժը»։

Պատրուշևն այս հայտարարությունն արել է Արխանգելսկի մարզ ՌԴ նախագահ Պուտինի այցի ֆոնին։ Ռուսաստանի նախագահը մասնակցել է «Կնյազ Պոժարսկի» հրթիռակրի վրա դրոշի բարձրացման արարողությանը, ինչը նշանավորել է սուզանավի ընդունումը նավատորմի կազմում: