Ռուսաստանը՝ Թրամփի և Պուտինի հանդիպման մասին
Ռուսաստանի եւ ԱՄՆ-ի նախագահներ Վլադիմիր Պուտինի եւ Դոնալդ Թրամփի հանդիպումն անհրաժեշտ է, ժամանակի ընթացքում այն տեղի կունենա: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ լրագրող Պավել Զարուբինին:
«Հանդիպումն անհրաժեշտ է։ Հնարավոր է, որ այն անհրաժեշտ լինի նաև ինչ-որ խոշոր պայմանավորվածությունների ամրագրման համար, որոնք ժամանակի ընթացքում ձեռք կբերվեն հսկայական աշխատանք կատարելուց հետո», – ասել Է Պեսկովը։
Կրեմլի ներկայացուցիչը միաժամանակ ընդգծել է, որ այդ ժամանակը դեռ չի եկել, աշխատանք պետք է արվի, իսկ Ռուսաստանի համար գլխավորը սեփական նպատակներին հասնելն է, իսկ դրանք «հասկանալի են, ակնհայտ» եւ չեն փոխվում:
Զարուբինը նշել է, որ առաջնորդների վերջին զրույցից հետո, երբ Պուտինը հաստատեց Ուկրաինական կարգավորման վերաբերյալ իր սկզբունքները, Թրամփի «ազդանշանները» հայտնվեցին Ռուսաստանի հասցեին: Լրագրողը ենթադրել է, որ նախագահների զրույցը տոնայնության ու մթնոլորտի առումով հեշտ չի եղել։ «Դա պրագմատիկ, գործնական խոսակցություն էր այն մարդկանց միջև, ովքեր կոշտ կանգնած են իրենց դիրքերում, բայց ովքեր պատրաստ են լսել միմյանց», – պատասխանել Է Պեսկովը:
