6800 աշխատակից ունենք, հիմնավոր կասկածներ կան, որ այդքան մարդու իրենց կողմ թեքելու խնդիր կար. ՀԷՑ-ի ԺՊ տնօրենը

Մեկ ամսվա ընթացքում այդ նամակի բովանդակությունը ՀԷՑ-ի համար չի բացվել և քննարկումներ չեն եղել։ Այս մասին լրագրողների հետ զրույցում հայտնել է ՀԷՑ-ի գլխավոր տնօրենի ԺՊ Դավիթ Ղազինյանը։

Նամակում ասվում էր, որ եթե այս-այն հարցը չլուծվի, կգնանք պետականացման։

«Հաշվի առնելով մյուս տարվա իրադարձությունները (նկատի ունի ընտրությունները` խմբ.)` այս պրոցեսը քաղաքական է։ 6800 աշխատակից ունենք, հիմնավոր կասկածներ կան, որ այդքան մարդու իրենց կողմ թեքելու խնդիր կար»։

ՀԷՑ տնօրենի ԺՊ-ն հավելել է, որ վերջին 11 վարույթներից ոչ մեկը չի վերաբերում հոսանքազրկումներին:

«Հերթական անգամ իշխանությունը գնում է մանիպուլյացիաների, նշում են, թե 23 թվականին ունեցել ենք 500 հազար բողոք, 24 թվականին` 1 մլն բողոք։ Դրանք դիմումներ են, կարող և բաժանորդ դառնալու դիմումներ լինեն։ Մենք ասում ենք` ունենք խնդիրներ, պատրաստ ենք ձեզ հետ լուծելու»,–լրագրողներին ասել է Դավիթ Ղազինյանը։