Հայաստան և Ադրբեջան. մենք այնտեղ հրաշք ենք գործել. Թրամփը` խաղաղության համաձայնագրի մասին

ԱՄՆ նախագահ Դոնալդ Թրամփը շաբաթ օրը հայտարարեց, որ Հայաստանն ու Ադրբեջանը մոտ են խաղաղության համաձայնագրի կնքմանը։

«Հայաստան և Ադրբեջան. մենք այնտեղ հրաշք ենք գործել, և այն խաղաղության համաձայնագիրն արդեն մոտ է նպատակին», - ասել է Թրամփն ամերիկացի սենատորների հետ ընթրիքի ժամանակ, նրա ելույթը հեռարձակվել է ամերիկյան հեռուստաալիքներով։

Հիշեցնենք` ԱՄՆ նախագահ Դոնալդ Թրամփը հայտնել էր, որ Հայաստանի և Ադրբեջանի միջև հակամարտությունը շուտով հաջողությամբ կկարգավորվի:

«Եվ մենք լուծել ենք մեկ այլ հարց. Հայաստանն ու Ադրբեջանը թվում է, թե մոտ են հակամարտության լուծման ավարտին, հաջող ավարտին»,- ասել է նա ՆԱՏՕ-ի գլխավոր քարտուղար Մարկ Ռյուտեի հետ հանդիպման ժամանակ: