Սամվել Կարապետյանի փաստաբանը՝ փողերի լվացման վարույթի մասին

«Նման բան գոյություն չունի, սա ապօրինությունների շղթա է, որը կանխատեսելի էր և կարծում եմ դեռ կշարունակվի»,- այս մասին հայտարարել է Սամվել Կարապետյանի փաստաբան Արմեն Ֆերոյանը: 

Հիշեցնենք` Քննչական կոմիտեն գործարար Սամվել Կարպետյանի նկատմամաբ վարույթ է հարուցել փողերի լվացման և առանձնապես խոշոր չափերով հարկերը թաքցնելու հոդվածով:

Ավելի վաղ հայտնել էինք, որ շուրջ վեց ժամ «Տաշիր գրուպ»-ում անցկացված խուզարկությունն ավարտվել է: Քննիչները դուրս են եկել՝ իրենց հետ տանելով համակարգիչներ և փաստաթղթեր: 

Փաստաբան Ռուբեն Հակոբյանը նշել է , որ Քննչական կոմիտեում մի քանի վարույթ կա, որոնք տարբեր ժամանակահատվածներում են հարուցվել՝ մինչև հայտնի դեպքերը. մեկը 2023-ին է, մյուսը՝ 2024-ին, և ևս մեկը՝ 2025-ին:

Հիշեցնենք` գործարար Սամվել Կարապետյանը մեղադրվում է նաև իշխանությունը զավթելուն ուղղված կոչերի համար: Նա այժմ կալանավորված է։