Երկրաշարժ՝ Ուկրաինայում
Հուլիսի 1-ի գիշերը Պոլտավայի մարզում՝ Կարպուսի գյուղի մոտ, որը գտնվում է մարզկենտրոնից մոտ 10 կիլոմետր հեռավորության վրա, տեղի է ունեցել 3.1 մագնիտուդով երկրաշարժ, հաղորդում է RBC-Ukraine-ն՝ հղում անելով Հատուկ մոնիթորինգի գլխավոր կենտրոնի կայքին։
«2025 թվականի հուլիսի 1-ին, ժամը 01:23:29-ին, Հատուկ մոնիթորինգի գլխավոր կենտրոնը գրանցել է երկրաշարժ Պոլտավայի մարզի Պոլտավայի շրջանի Կարպուսի գյուղի տարածքում՝ 3.1 մագնիտուդով (Ռիխտերի սանդղակով), 7 կիլոմետր խորության վրա», - նշել են հատուկ մոնիթորինգի կենտրոնից։
Վերլուծաբանները հավելել են, որ երկրաշարժերի ընդհանուր ընդունված դասակարգման համաձայն՝ գիշերը գրանցված ցնցումները դասակարգվում են որպես չզգացվող։
