14:00 Լուրերը մեկ տողով. 1 միլիարդ դրամ գրավ, կուտակային կայանատեղիներ Բագրատաշենի և Ագարակի մաքսակետերում

Անցած ժամվա լուրերը՝ հակիրճ և բովանդակային.

·  «Առինջ մոլ» տոնավաճառում շարունակվում են աշխատակիցների բողոքի ակցիաները, որոնց ընթացքում գրանցվել է ինքնազգացողության վատացման դեպք։ Իրավապահները պահանջում են դուրս բերել ապրանքները կալանավորված տաղավարներից, մինչդեռ ղեկավարությունը պատրաստվում է վիճարկել որոշումը։

·  Կառավարությունը նախատեսում է մասնավոր ներդրումներով ստեղծել ժամանակակից կուտակային կայանատեղիներ Բագրատաշենի և Ագարակի մաքսակետերում։ Նոր կարգավորումները նպատակ ունեն կանոնակարգել հերթերը և արագացնել բեռնատարների արտահանման գործընթացը։

·  ՊՆ N զորամասում զինծառայողի մահվան դեպքի առթիվ նախաձեռնված քրեական վարույթի շրջանակում կալանավորվել է երկու զինծառայող։ Դեպքի առթիվ շարունակվում են անհրաժեշտ քննչական և վարութային գործողությունները։

·  Նարեկ Կարապետյանի նկատմամբ որպես խափանման միջոց է ընտրվել բացակայելու արգելքը և 1 միլիարդ դրամ գրավը։ Որոշումը կայացվել է անձեռնամխելիությունից զրկելու և հանրային քրեական հետապնդում հարուցելու միջնորդության քննարկումից հետո։

·  «Հայաստան» դաշինքի առաջնորդի գլխավորությամբ տեղի է ունեցել խմբակցության անդամների հանդիպումը։ Հանդիպման ընթացքում ընտրվել են խմբակցության նոր ղեկավարը և քարտուղարը։

·  Լիլիթ Մակունցը հրաժարվել է մեկնաբանել վարչապետի աշխատակազմի ղեկավարի պաշտոնը զբաղեցնելու վերաբերյալ լուրերը։ Նա որևէ պարզաբանում չի տվել նաև գործադիրում սպասվող հնարավոր կադրային փոփոխությունների մասին։

·  Վարշավայում խոշոր հրդեհ է բռնկվել Ford-իվաճառքիավտոսրահում և դրան հարակից արհեստանոցում։ Պատահարի հետևանքով ամբողջությամբ ոչնչացվել են ներսում և տարածքում կայանված տասնյակ մեքենաներ։