Նրանք երբեք ընկերներ չեն լինի. Զելենսկի
Ռուսաստանը Միացյալ Նահանգների գոյաբանական թշնամին է, մինչդեռ Ուկրաինան՝ «Ամերիկայի դաշնակիցը»։ Այս մասին հայտարարել է Ուկրաինայի առաջնորդ Վլադիմիր Զելենսկին Sky News-ին տված հարցազրույցում։
Նա դժվարացել է պատասխանել այն հարցին, թե ինչպիսի հարաբերություններ ունեն նախագահներ Վլադիմիր Պուտինը և Դոնալդ Թրամփը, քանի որ «այս հարցում կան տարբեր ազդանշաններ»։
«Եվ ես վստահ եմ, որ նախագահ Թրամփը հասկանում է, որ ուկրաինացիները Ամերիկայի դաշնակիցներն են։ Եվ Ամերիկայի իրական գոյաբանական թշնամին Ռուսաստանն է։ Նրանք կարող են կարճ ժամանակով գործընկերներ լինել, բայց երբեք ընկերներ չեն լինի», - ասել է Զելենսկին։
