«Ե՛վ ծիծաղելի է, և՛ տխուր». Զախարովան՝ Ճապոնիայում միջուկային զենքի քննարկման մասին

ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով Ճապոնիայում միջուկային զենքի շուրջ քննարկում անցկացնելու գաղափարին, դա որակել է որպես միաժամանակ ծիծաղելի և տխուր երևույթ։

Ճեպազրույցի ընթացքում դիվանագետին խնդրել են արձագանքել Ճապոնիայի պաշտպանության նախարար Սինջիրո Կոիձումիի հայտարարությանը, որի համաձայն՝ երկրում առկա է միջուկային զենքի վերաբերյալ բաց քննարկման անհրաժեշտություն։ «Ե՛վ ծիծաղելի է, և՛ տխուր միաժամանակ», - մեկնաբանել է Զախարովան։ 

«Ես պարզապես ցանկանում եմ ճշտել. իսկ Ճապոնիային անհրաժեշտ չէ՞ նույնքան բաց քննարկում՝ պահպանելու համար հիշողությունն այն մասին, թե ով և ինչպես է Ճապոնիայի քաղաքացիների դեմ օգտագործել հենց այդ միջուկային զենքը», - նշել է նա։