16:00 Լուրերը մեկ տողով. Արարատում ողբերգական վթարի մասին, Զելենսկու զգուշացումը Իրանին

Անցած ժամվա լուրերը՝ հակիրճ և բովանդակային.

•Արարատում տեղի ունեցած ողբերգական վթարի և դրան հաջորդած հրդեհի գործով, որին զոհ էր գնացել 3 քաղաքացի, 2 ավտոմեքենայի վարորդները ձերբակալվել են։

•Ուկրաինայի նախագահը մեկնաբանել է Իրանից հնչող սպառնալիքները՝ ընդգծելով, որ Թեհրանն ու Փհենյանն արդեն իսկ ռազմական աջակցությամբ մասնակցում են հակամարտությանը։

•Ռուսաստանի ղեկավարը հայտարարել է ռազմական գործողության նպատակներին հասնելու վճռականության մասին՝ նշելով, որ պատժամիջոցներն անարդյունավետ են եղել։

•Թուրքիան 2006 թվականից ի վեր առաջին անգամ կործանիչներ և զինվորականներ կուղարկի Բալթյան երկրներ՝ ՆԱՏՕ-ի առաքելության շրջանակում։

•Ֆրանսիան և Գերմանիան պայմանավորվել են խորացնել պաշտպանական համագործակցությունը, ինչի շրջանակում գերմանական ուժերը կմասնակցեն ֆրանսիական միջուկային զսպման զորավարժություններին։

•Լեհ հետաքննիչները դիմել են ֆրանսիացի գործընկերներին՝ ԱՄՆ-ում աղմկահարույց ֆինանսիստի գործի հետ կապված ապացույցներ ստանալու նպատակով։

•Բաքվում ընթացող Մ17 աշխարհի առաջնությունում հայ ըմբիշը հաղթել է ուզբեկ մրցակցին և դուրս եկել հաջորդ փուլ։