Խոշոր հրդեհները կաթվածահար են արել Ֆրանսիայի մի հատվածը․ 13 հազար ձեռնարկություն տարհանվել է

Ֆրանսիայի հարավ-արևմուտքում գտնվող Ժիրոնդ դեպարտամենտում բռնկված խոշոր անտառային հրդեհների պատճառով իշխանությունները տարհանել են առնվազն 13 հազար ձեռնարկություն։

Ժիրոնդում ընթացող մասշտաբային անտառային հրդեհների հետևանքով իշխանությունների կողմից իրականացվել է նվազագույնը 13 հազար ձեռնարկության տարհանում, ինչի մասին, վկայակոչելով Էկոնոմիկայի և ֆինանսների նախարար Ռոլան Լեսկյուրին, տեղեկացնում է BFMTV հեռուստաալիքը։

Նախարարը պարզաբանել է, որ տարհանված ձեռնարկությունների աշխատակիցներին կտրամադրվի գործազրկության կամ անօգնականության մասնակի նպաստ։ Լեսկյուրը շեշտել է, որ պատկան մարմինները իրականացնում են «հրշեջ ծառայությունների համախմբում էկոլոգիական և, ակնհայտորեն, սոցիալական աղետի ֆոնին, որը նաև տնտեսական ռումբ է դարձել»։

Ժիրոնդի տարածքում տարածվող ամենախոշոր անտառային հրդեհն արդեն ընդգրկում է 42 հազար հեկտար։ Երկրի հարավարևմտյան հատվածում պահպանվում է ծայրահեղ ծանր իրավիճակ։ Կրակի դեմ պայքարի նպատակով դեպարտամենտ են ուղարկվել հրշեջ-փրկարարական ծառայությունների 2.5 հազար աշխատակիցներ (այդ թվում՝ Շվեյցարիայից)։ Նրանց աշխատանքին օժանդակում են 1.5 հազար ֆրանսիացի զինվորականներ, ինչպես նաև 1.2 հազար ոստիկաններ, որոնք ապահովում են տարհանման գործընթացն ու հետևում աղետի գոտում անվտանգության պահպանմանը։