Արամ Ա կաթողիկոսը` ՀՀ գործող իշխանությունների վարքի մասին
Մեծի Տանն Կիլիկիո Կաթողիկոսության «Կիլիկիա Վերլուծական Հարթակի» հերթական նիստն է տեղի ունեցել, այն նախագահել է Մեծի տանն Կիլիկիո Արամ Ա կաթողիկոսը։
Ինչպես հայտնում են կաթողիկոսության մամուլի ծառայությունից, հանդիպմանը քննարկվել են Արցախի հայկական պատմամշակութային ու հոգևոր ժառանգությանը սպառնացող վտանգները, կարևորվել է Արցախի պետական ինստիտուտների գործունեության շարունակականությունն ապահովելու անհրաժեշտությունը։
Նիստին մեծ մտահոգությամբ անդրադարձ է կատարվել նաև Հայաստանի գործող իշխանությունների կողմից Հայ Առաքելական Եկեղեցու դեմ տարվող արշավին, որը, ի թիվ այլնի, ներհասարակական լարվածություն է առաջացնում։ Հայաստանի իշխանությունների վարքն ու գործելաոճը դատապարտվել են։
