Ուկրաինան հարվածել է Ղրիմի կամրջին՝ այս անգամ ջրի տակից

Ուկրաինայի անվտանգության ծառայությունը նոր եզակի հատուկ գործողություն է իրականացրել և երրորդ անգամ խոցել Ղրիմի կամուրջը՝ այս անգամ ջրի տակից:

Ուկրաինայի անվտանգության ծառայությունը հաստատել է Ղրիմի կամրջի վրա երրորդ հարվածը: Պայթյունը տեղի է ունեցել այսօր առավոտյան ժամը 04:44-ին:

Պայթյունի հետևանքով վնասվել է հենարանների ստորջրյա հատվածը և այժմ օբյեկտը գտնվում է վթարային վիճակում:

Գործողությունը պատրաստվել է մի քանի ամիս: Նշված է, որ զոհեր չկան:

Հիշեցնենք, որ առաջին անգամ 2022 թվականի հոկտեմբերին է Ղրիմի կամուրջը պայթեցվել, որը վնասել էր ճանապարհը և երկաթուղային հատվածը։ Այնուհետև, 2023 թվականի ամռանը, տեղի է ունեցել ծովային անօդաչու թռչող սարքերի հարձակում, որը խաթարել է տրանսպորտային միջանցքի գործունեությունը։