Հնդկաստանը Պակիստանի հետ հրադադարի մասին հայտարարություն է տարածել
Հնդկաստանի և Պակիստանի միջև հրադադարը ժամկետ չունի։ Այս մասին հաղորդում է Hindustan Times թերթը՝ հղում անելով Հնդկաստանի ցամաքային ուժերի հայտարարությանը։
«Քանի դեռ կողմերը ձեռնպահ են մնում թշնամական գործողություններից, վերջնաժամկետ չի լինի», - ասվում է հայտարարության մեջ։
Մայիսի 14-ին Հնդկաստանը և Պակիստանը երկարաձգեցին հրադադարը մինչև մայիսի 18-ը։
Մայիսի 10-ի գիշերը Պակիստանը Հնդկաստանի դեմ սկսեց «Բունյան-ում-Մարսուս» (Ամուր պատ) անվանումով ռազմական գործողություն՝ պնդելով, որ դա Նյու Դելիի հարձակումների պատասխանն էր։ Իսլամաբադի թիրախների թվում էին Հնդկաստանի Ջամմու և Քաշմիր նահանգում գտնվող ավիաբազաները և Փանջաբում գտնվող հրթիռային կայանները։ Մայիսի 12-ին հայտնի դարձավ, որ Պակիստանն ավարտել է այս գործողությունը։
