Չինաստանը դանդաղեցրց Երկրի պտույտը և մեծացրեց օրվա տևողությունը

NASA-ի Գոդարդի տիեզերական թռիչքների կենտրոնի երկրաֆիզիկոս, դոկտոր Բենջամին Ֆոնգ Չաոն ասել է, որ Չինաստանի «Երեք կիրճերի» ամբարտակը իրականում մեծացրել է օրվա տևողությունը։ Սա պայմանավորված է մոլորակի պտույտի դանդաղեցմամբ։

«Երեք կիրճերի» ամբարտակը գտնվում է Յանցզի գետի վրա՝ Չինաստանի Հուբեյ նահանգում։ 2012 թվականին կառուցված ամբարտակը 2335 մետր երկարություն և 185 մետր բարձրություն ունի։ Այն պարունակում է մոտ 40 խորանարդ կիլոմետր ջուր։ Սակայն ջրի այս ծավալը գտնվում է ծովի մակարդակից 175 մետր բարձրության վրա, ինչը նրան տալիս է զգալի քաշ և պոտենցիալ էներգիա։

Այժմ NASA-ի գիտնականները կարողացել են հաստատել, որ աշխարհի ամենամեծ հիդրոէլեկտրակայանը հանդիսացող ամբարտակը Երկրի պտույտի մեջ փոքր, բայց նկատելի փոփոխություն է առաջացրել՝ օրերի տևողությունը 0.06 միկրովայրկյանով մեծացնելով և մոլորակի առանցքը մոտ 2 սանտիմետրով տեղաշարժելով։

«Հղման համար, դա տիեզերքի ողջ պատմության մեջ մի փոքր ավելի քան 3 օր է», - բացատրում է դոկտոր Չաոն։

Ամերիկացի գիտնականների կարծիքով, չինական ամբարտակի մոտ գտնվող ջրամբարում ջրի հսկայական քանակը փոխել է Երկրի զանգվածի բաշխումը։