Հրդեհ` Խանջյան փողոցում գտնվող սննդի կետում
Հոկտեմբերի 26-ին, ժամը 11։30-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Խանջյան փողոցում գտնվող սննդի կետում հրդեհ է բռնկվել։
Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։
Տուժածների մասին դեռևս տեղեկություններ չկան։
Ականատեսների խոսքով՝ հրդեհը կարող էր սկսվել խոհանոցում, ենթադրաբար՝ ֆրիտյուրի սարքի անսարքության պատճառով, սակայն այդ վարկածի պաշտոնական հաստատում չկա:
Հրշեջները շարունակում են աշխատել տեղում, պարզվում են դեպքի պատճառներն ու մասշտաբները:
