Ալիևը հետ է կանչել Ադրբեջանի հյուպատոսին Թավրիզից
Ադրբեջանի նախագահ Իլհամ Ալիևը հրամանագիր է ստորագրել, որով Ալիյաննաղի Մեհթի օղլու Հուսեյնովը հետ է կանչվում Իրանի Իսլամական Հանրապետության Թավրիզ քաղաքում Ադրբեջանի Հանրապետության գլխավոր հյուպատոսի պաշտոնից։
Ինչպես հաղորդում է APA գործակալությունը, նախագահական հրամանագրում այլ մանրամասներ չեն նշվում։ Թավրիզում գտնվող հյուպատոսությունն ապահովում է Ադրբեջանի դիվանագիտական ներկայությունը Իրանի հյուսիսարևմտյան տարածաշրջանում։
Գործակալությունը նշում է՝ դեռևս հայտնի չէ, թե ով է նշանակվելու Հուսեյնովի փոխարեն։
